🚧Мой будан

Анатоль Астрэйка

Анатоль Астрэйка на
Ведах беларускіх

МОЙ БУДАН

Пад бярозай на палянцы.

Ад вачэй у старане,

I ні ў хаце. Hi ў зямлянцы.

А жыву я ў будане.

Сем калоў у вілку ўбіты, Пераплецены лазой.

Як курган, імхом пакрыты Партызанскі домік мой.

Невялічкі столік з дошкі I для ложка палак з пяць, А на палках сена трошкі, Каб было не мулка спаць.

Я к свайму прывык парадку, Дзе ні лягу — там засну, Калі дождж, я плашч-палатку Над сабою разапну.

Як вайны не стане следу, Да лясных глухіх палян Я прыйду, каб зноў праведаць Партызанскі мой будан.