Восень
Пятрусь БроўкаПятрусь Броўка на
Ведах беларускіх
Ведах беларускіх
Ходзіць восень ў свіце шэрай,
3 непагодных хмар сатканай,
Распусціла ветры-косы
Над палямі, над барамі…
Ходзіць злосная, плюецца,
Лісце жменямі шпурляе…
Толькі сонца не здаецца,
Прабіваецца праз хмары,
Улагоджвае старую.
Дзень, другі нервуе восень,
А пасля паспакайнее,
Стане добрай і ласкавай.
Заспявае, засмяецца,
Світку ўздзене залатую
3 лісцяў вогненных кляновых;
У рабіне яркай шчокі,
I глядзяць крыніцы-вочы
Так задумліва на неба.
Добра ў гэткі час на вёсцы —
Скрозь стагі саломы, сена
Восень звонкую вартуюць.
Дзе-нідзе агні на полі.
Там у прысаку гарачым
Бульба смачная пячэцца.
Ходзіць восень чыстым борам
У сукенцы верасовай,
3 кожным дрэўцам пагамоніць,
Ажно свеціцца, здаецца,
Мох сівы на даўніх соснах…
Я сваю вітаю восень!